BRYNJA - Hússjóður Öryrkjabandalagsins, Hátúni 10, er sjálfseignarstofnun, stofnaður 1. nóvember 1965. Hlutverk sjóðsins er að eiga og reka íbúðir fyrir öryrkja. Tilgangi sínum nær sjóðurinn með því að kaupa og byggja leiguíbúðir.

Tekjustofn sjóðsins frá upphafi eru leigutekjur og frá árinu 1987 til viðbótar framlag frá Öryrkjabandalagi Íslands sem úthlutar BRYNJU - Hússjóði ágóðahlut af Íslenskri Getspá (Lottó).

BRYNJA - Hússjóður Öryrkjabandalagsins á nú ríflega 700 íbúðir. Meirihluti þeirra er á höfuðborgarsvæðinu, en aðrar víðs vegar um landið.

Framtíðarverkefni BRYNJU - Hússjóðs er að halda áfram á sömu braut að kaupa, eiga og reka húsnæði fyrir öryrkja.

Skrifstofan er opin mánudaga til föstudaga frá kl. 9:00 til 15:00 frá 1. september til 31. maí.

Frá 1. júní til 31. ágúst er opið mánudaga til fimmtudaga frá kl. 9:00 til 15:00 og föstudaga frá kl. 9:00 til 13:00.

Símanúmer á skrifstofu er 570-7800 - Fax: 570-7801.